Alexis Mac Allister hefur fengið grænt ljós á að fara í læknisskoðun hjá Liverpool svo allt stefnir í að hann verði fyrstu kaup félagsins í sumarglugganum.
Mac Allister hefur verið efstur á óskalista Jurgen Klopp knattspyrnustjóra félagsins sem stefnir á að styrkja miðjuna í sumar.
Argentínumaðurinn er sem stendur í sumarfríi á Miami í Bandaríkjunum en hefur svo æfingar með argentíska landsliðinu fyrir komandi vináttulandsleik gegn Ástralíu 15. júní.
Liverpool vonast til að ná að framkvæma læknisskoðunina sem fyrst og tilkynna kaupin í vikunni.
Alexis Mac Allister er með klausu í samningi sínum sem gerir honum auðveldara fyrir að fara og það einfaldaði samningaviðræður milli Liverpool og Brighton til muna og nú er svo komið að læknisskoðun hefur verið samþykkt af síðarnefnda félaginu.
