Fótbolti.net

„Þurfum að læra sem lið að loka þessum leikjum"

Mikael Egill svekktur: Hann hló og sagði ekki séns

Arnar: Leið eins og við værum að spila á móti liði frá 1980

Orri Steinn þakklátur - „Maður tekur þessu ekki sem sjálfsögðum hlut"

Jasmín Erla: Það er galið að maður sé að spila í þessu

Ian Jeffs: Ég ætla ekki að tjá mig um það

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

Orri um andlega áskorun: Einn af fáum jákvæðum punktum úr þessu

Arnar á keppnisvellinum: Leikstíll sem er ekki allra

Bestur í Mjólkurbikarnum: Vonandi virka markaskórnir í kvöld

Með landsliðið í huga þegar hann færði sig um set - „Kominn í frekar lélega stöðu“

Elías Rafn: Það er draumur allra að spila í Premier League

Þakklátur Arnór loks mættur aftur - „Maður lærir að meta alla litlu hlutina“

Daníel Tristan: Geggjað að fá að spila með honum

Viktor Bjarki: Hef trú á að við getum unnið Frakkland

Lúðvík: Gaman að horfa á þá

Eykur sigurlöngun Hákonar að mæta góðum félaga - „Náðum vel saman“

þri 06. september 2022 22:16

Guðmundur Aðalsteinn Ásgeirsson
Utrecht

Sveindís Jane: Ég veit ekki hvernig ég fór að þessu

Sveindís Jane Jónsdóttir

Mynd: Fótbolti.net - Hafliði Breiðfjörð

Sveindís Jane komst í frábært færi til að skora en hitti ekki boltann

Mynd: Fótbolti.net - Hafliði Breiðfjörð

Íslenska landsliðskonan Sveindís Jane Jónsdóttir er enn að melta þetta „ógeðslega sigurmark Hollands í Utrecht í kvöld, eins og hún orðaði það, en hún ræddi við fjölmiðla eftir leikinn.

Lestu um leikinn: Holland 1 - 0 Ísland

Sveindís var sú sem skapaði mestu hættuna við vítateig Hollendinga þrátt fyrir að heimakonur voru vaðandi í færum í þeim fyrri.

Það var kominn pirringur í hollenska liðið þegar leið á leikinn enda bólaði ekki á marki. Það kom þó á endanum og vonir Íslands um að komast beint á HM engar.

„Jú, það er mjög vel lýst. Ég veit ekki hvernig ég á að lýsa þessu og er eiginlega í sjokki og trúi þessu ekki ennþá."

„Ég er enn að melta þetta mark sem þær skoruðu. Það er ógeðslegt mark og get bara sagt það. Einhver fyrirgjöf sem endar einhvern vegin inni. Mér fannst við ekki eiga þetta skilið og við vorum búnar að berjast allan leikinn og leið ótrúlega vel inn á vellinum og fannst eins og boltinn væri aldrei að fara inn og þetta væri lokað en svo var þetta einbeitingaleysi eða ég veit ekki hvað þetta var og svo var skorað."

„Ég leit á klukkuna og komnar 90. mínútur og svo plús fjórir og vissi ekki hvað væri mikið eftir og ég ætlaði að klára leikinn en svo fáum við þetta mark á okkur og þá var þetta eiginlega búið," sagði Sveindís.

Ísland mun spila einn umspilsleik þann 11. október og getur þá tryggt sæti sitt á HM sem fer fram í Ástralíu og Nýja-Sjálandi á næsta ári.

„Ekkert hægt að dvelja lengi á þessu. Við vitum að við ætlum að taka umspilið og vinna þann leik. Við getum gírað okkur upp í það, ætlum á HM og vitum það allar. Við verðum ekkert of lengi að pæla í þessum leik."

„Þetta er allt galopið og enn í höndunum á okkur. Taka næst leik og koma okkur á HM þá."

Sveindís fékk dauðafæri til að koma Íslandi yfir þegar tæpar tuttugu mínútur voru eftir. Gunnhildur Yrsa Jónsdóttir átti frábæra fyrirgjöf á fjær þar sem Sveindís fékk boltann við markið en hitti hann ekki.

„Varla hægt að fá betra færi og geggjuð sending frá Gunný og ég var löngu búin að sjá hann inni. Ég veit ekki hvort ég var komin framúr mér en get ekki lýst þessu og skil ekki hvernig ég fór að þessu," sagði hún í lokin.