Manchester United hyggst ekki rífa Old Trafford þó félagið byggi nýjan leikvang. Hugmyndir eru um að Old Trafford verði minnkaður niður í 30 þúsund manna leikvang sem verði notaður fyrir kvenna- og unglingalið félagsins.
Með þessu vill félagið einnig virða söguna og stytturnar af Sir Alex Ferguson, Sir Matt Busby, Denis Law, George Best og Sir Bobby Charlton halda sér óhreyfðar.
Með þessu vill félagið einnig virða söguna og stytturnar af Sir Alex Ferguson, Sir Matt Busby, Denis Law, George Best og Sir Bobby Charlton halda sér óhreyfðar.
Eins og fjallað hefur verið um þá vill Sir Jim Ratcliffe að áætlanir Manchester United verði klárar í desember. Vilji er fyrir því að byggja nýjan 100 þúsund manna leikvang rétt við Old Trafford sem myndi kosta um 2 milljarða punda.
Framkvæmdir myndu taka um sex ár og Old Trafford því notaður á meðan leikvangurinn er byggður. Old Trafford tekur í dag 74.310 áhorfendur.
Athugasemdir
