Milivojevic hætti að spila með landsliðinu eftir HM 2018 en hann var ósáttur við þjálfarann Mladen Krstajic eftir að hafa verið tekinn af velli í leik gegn Sviss.

Ljubisa Tumbakovic tók við þjálfun Serbíu eftir HM og hann valdi Milivojevic aftur í liðið í undankeppni EM.

Dragan Stojkovic tók við Serbum í vikunni og hann ákvað að velja Milivojevic og Aleksandar Kolarov ekki í fyrsta landsliðshóp sinn.

„Ég vil þakka nýjum landsliðsþjálfara fyrir að hjálpa mér að taka ákvörðun sem ég hef verið að íhuga í þónokkurn tíma," sagði Milivojevic.

„Ég ætla klárlega að segja bless við serbnesku treyjunni 29 ára gamall. Ég óska landsliðinu alls hins besta í verkefnum sínum í framtíðinni."

„Þeim tókst að ljúka verkefni sínu með því að koma mér út úr landsliðinu og ég get einungis sjálfum mér um kennt að hafa ekki tekið þessa ákvörðun fyrr."

„Ég var áfram í liðinu því ég hélt að hlutirnir yrðu betri. Ég vona að þeir séu stoltir af sjálfum sér."