Osimhen fer til Lundúna - Tuchel aftur til Englands - Zidane til Bayern? - Bayern og Liverpool berjast um Alonso
   fös 08. desember 2023 21:43
Brynjar Ingi Erluson
Diljá markahæst í Belgíu - Skoraði tvö í þægilegum sigri
Diljá Ýr er að gera frábæra hluti í Belgíu
Diljá Ýr er að gera frábæra hluti í Belgíu
Mynd: Jónína Guðbjörg Guðbjartsdóttir
Íslenska landsliðskonan Diljá Ýr Zomers skoraði tvö mörk er topplið Leuven vann 4-0 sigur á Femina Woluwe í belgísku úrvalsdeildinni í kvöld.

Diljá hefur verið sjóðandi heit með Leuven á þessu tímabili. Hún gerði fyrra mark sitt undir lok fyrri hálfleiks áður en hún bætti við öðru þremur mínútum fyrir leikslok.

Það var tíunda deildarmark hennar á tímabilinu og er hún markahæst ásamt Davinia Vanmechelen, leikmanni Club Brugge.

Magnað tímabil hjá Diljá til þessa, sem kom til félagsins frá Norrköping í sumar.

Leuven er í efsta sæti deildarinnar með 28 stig, sex stigum meira en Standard Liege.
Athugasemdir
banner
banner
banner
banner