Það fer einn leikur fram hér á Íslandi þennan mánudaginn og fer hann fram á Seltjarnarnesi.
Leikurinn er í C-deild Lengjubikarsins og í honum mætast Kría og Uppsveitir.
Uppsveitir munu taka þátt í fyrsta skipti í 4. deildinni í sumar, en um er að ræða drengi úr uppsveitum Árnessýslu. Það er að segja Hrunumannahreppi, Biskupstungum, Laugavatni, Skeiða og Gnúpverjahreppi og Grímsnesi. Liðið mun spila heimaleiki sína á Flúðum.
Leikurinn í kvöld verður fyrsti leikur liðanna í Lengjubikarnum í ár og hefst hann klukkan 20:00.
mánudagur 9. mars
Lengjubikar karla - C-deild, riðill 3
20:00 Kría-Uppsveitir (Vivaldivöllurinn)
Athugasemdir