Emelía Óskarsdóttir varð yngst til að skora í Lengjudeildinni í sumar þegar hún skoraði þriðja mark Gróttu í 3-1 sigri á Víkingum. Emelía er mikið efni, fædd árið 2006, og var frammistaða hennar til umræðu í nýjasta þætti Heimavallarins.

„Þetta er mjög ákveðinn leikmaður með metnaðinn á réttum stað. Hún hefur alltaf verið mjög áberandi í sínum aldursflokki. Hefur mikið verið að æfa með strákum og flokkum upp fyrir sig og er mjög hættulegur sóknarmaður,“ sagði Steinunn Sigurjónsdóttir þegar hún var beðin um að lýsa Emelíu sem leikmanni.

Bára Kristbjörg Rúnarsdóttir, annar gestur þáttarins, bætti svo við:

„Hún er ótrúlega fljót, sterk, teknísk og hún skorar alltaf. Grótta hefur ekki alltaf verið með áberandi sterka yngri flokka kvennamegin en ég þjálfaði mikið á móti henni sumar sem hún var í 5.flokki og það var bara ógeðslega erfitt. Hún gat skilið á milli liða strax þá. Ég held að hún hafi alltaf verið mjög áberandi í sínum árgangi“

Mist Rúnarsdóttir var á vellinum þegar Emelía skoraði og var hrifin af innkomu unga leikmannsins.

„Hún kemur inná í leiknum gegn Víking í stöðunni 2-1 fyrir Gróttu en þá eru Víkingar aðeins farnar að hóta því að fá eitthvað út úr leiknum. Emelía er hinsvegar ekki lengi að komast á blað. Er eins og sannur markahrókur, mætt eins og gammur á markteig til að slútta fyrirgjöf frá Maríu Lovísu sem var best á vellinum.“

Hlustaðu á Heimavöllinn hér að neðan eða í hlaðvarpsveitunni þinni:

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit