Ole Gunnar Solskjær, stjóri Manchester United, segir að þeir Paul Pogba, Victor Lindelof og Luke Shaw eigi allir við meiðsli að stríða.
Manchester United vann Watford í gær í þriðju umferð FA bikarsins þar sem Scott McTominay gerði eina mark leiksins.
Ole gerði margar breytingar á liði United en framundan eru gríðarlega mikilvægir leikir.
United mætir Burnley í miðri viku og getur með sigri komist á toppinn í ensku úrvalsdeildinni. Liðið á síðan leik gegn Liverpool um næstu helgi á Anfield.
Enginn af leikmönnunum þremur voru í hópnum í gær og ljóst er að þetta er áhyggjuefni fyrir Solskjær. Hann sagði ekki til um hversu alvarleg meiðslin væru eða hvort leikmennirnir yrðu klárir í leikina sem framundan eru.
Athugasemdir