Hvaða lið mætir Spáni í úrslitaleik Evrópumótsins? Það kemur í ljós í kvöld þegar England og Holland eigast við í hinum undanúrslitaleiknum.
Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Þeir spá um úrslit allra leikja í útsláttarkeppninni ásamt fulltrúa Fótbolta.net. Fyrir hárréttar lokatölur fást 3 stig en 1 stig ef rétt tákn er á leiknum.
Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Þeir spá um úrslit allra leikja í útsláttarkeppninni ásamt fulltrúa Fótbolta.net. Fyrir hárréttar lokatölur fást 3 stig en 1 stig ef rétt tákn er á leiknum.
Gunnar Birgisson
England 1 - 2 Holland
Þetta verður lokað framan af en örvæntið ekki. Breytingar í hálfleik verða til þess að leikurinn opnast og við fáum þrjú mörk í seinni. Cody Gakpo verður hetjan hér sem fyrr, sá er að eiga mót og rúmlega það. Við fáum sama úrslitaleik og á HM 2010, sem er vanmetin perla í fótboltasögunni.
Jóhann Páll Ástvaldsson
England 1 - 1 Holland
Englendingar verða í brasi en ná á einhvern ótrúlegan máta að knýja fram framlengingu.
Hollendingar vaða upp hægra megin trekk í trekk og þar mun Dumfries valda skaða. Sviss eru farnir út af mótinu aðallega því að Widmer og Schar fengu ítrekað álitlegar stöður.
Hollendingar komast yfir 1-0 en Englendingar jafna. Í framlengingu getur England frískað upp á leik sinn með varamönnum á meðan að hollenska liðið veikist. Mest munar um að Kane fer út af. Endum þó aftur í vító og snareðlan Pickford ver aftur eitt. England í úrslit eftir sigur í vítaspyrnukeppni. Hvernig? Það veit Guð einn.
Fótbolti.net - Arnar Laufdal
England 1 - 2 Holland
Þetta verður svipaður leikur og Spánn gegn Frakklandi, og mun spilast svipað. Holland með mann mótsins í Cody Gakpo og besta hafsent í heimi VVD munu sjá til þess að Hollendingar vinni þennan leik og við fáum frábæran úrslitaleik. Trúi ekki að England fari áfram á lyginni þriðja skiptið í röð.
Staðan:
Gunni Birgis - 12 stig
Fótbolti.net - 8 stig
Jói Ástvalds - 7 stig
Athugasemdir