Manchester City og Manchester United mættust í opnunarleik enska úrvalsdeildartímabilsins þegar þessi nágrannalið mættust í úrslitaleiknum um Samfélagsskjöldinn á Wembley.

Staðan var markalaus lengst af þar sem nokkuð jafnræði ríkti á vellinum. Man City fékk hættulegri færi í fyrri hálfleik en Man Utd í þeim seinni.

Alejandro Garnacho tók forystuna fyrir United með flottu einstaklingsframtaki á 82. mínútu en Bernardo Silva jafnaði sex mínútum síðar, eftir frábæra fyrirgjöf frá Oscar Bobb, til að knýja fram vítaspyrnukeppni.

Bernardo Silva klúðraði fyrir City og svo brenndi Jadon Sancho af í liði United, en allir aðrir skoruðu og var farið í bráðabana.

Þar skoruðu allir þar til Jonny Evans klúðraði og City tryggði sér skjöldinn eftir nokkra bið. Þetta er fjórða árið í röð sem Man City fer í úrslitaleikinn um Samfélagsskjöldinn eftir að hafa tapað gegn Arsenal, Liverpool og Leicester City síðustu þrjú skipti.