Fótbolti.net

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

Frammistaðan ekki áhyggjuefni - „Skal hundur heita ef það verður skorað flottara mark í sumar“

mán 10. október 2022 18:26

Guðmundur Aðalsteinn Ásgeirsson
Porto

Adda: Einn stærsti leikur sem íslenska landsliðið hefur spilað í mörg ár

Ásgerður Stefanía Baldursdóttir.

Mynd: Fótbolti.net - Jónína Guðjörg Guðbjartsdóttir

„Þetta er einn stærsti leikur sem íslenska landsliðið hefur spilað í mörg ár," sagði Ásgerður Stefanía Baldursdóttir, betur þekkt sem Adda, í samtali við Fótbolta.net í dag.

Framundan er gríðarlega stór leikur hjá kvennalandsliðinu þar sem stelpurnar okkar mæta Portúgal í umspilinu fyrir HM. Leikurinn fer fram á morgun.

Þetta er hreinn úrslitaleikur þar sem sigurliðið kemur til með að vinna sér sæti á HM sem fram fer á næsta ári - eða þá inn í annað umspil sem fram fer í Nýja-Sjálandi í febrúar á næsta ári.

„Þetta leggst mjög vel í mig," segir Adda.

Stærstu tíðindin fyrir æfinguna voru það að Sara Björk Gunnarsdóttir, landsliðsfyrirliði, var ekki með vegna veikinda sem eru að hrjá hana. Adda hefur samt sem áður fulla trú á því að Sara spili á morgun.

„Auðvitað er ekki gott fyrir hana að æfa ekki daginn fyrir leik, en ef það hefur ekki áhrif á einhvern þá er það Sara Björk. Ég hef ekki áhyggjur að það hafi áhrif á morgun," sagði Adda.

„Auðvitað hefði maður viljað hafa hana á æfingu í dag, en ég hugsa að þetta séu varúðarráðstafanir."

„Alveg 100 prósent," sagði hún aðspurð að því hvort hún haldi að Sara spili á morgun.

Portúgalska liðið er sýnd veiði en ekki gefin. „Þetta er bara gott lið. Seinustu ár hafa þær tekið miklum framförum. Við sáum á EM hversu góðar þær eru. Fyrir leikinn erum við hærra skrifaðar, en þær eru góðar. Þetta verður hörkuleikur."

„Maður er í þessu fyrir svona stundir. Þær eru búnar að spila nokkra stóra leiki upp á síðkastið og margar þeirra hafa spilað leiki af þessari stærðargráðu. Ég held að þetta sé fyrst og fremst gaman. Maður finnur að það er stemning í hópnum. Þær eru búnar að bíða lengi, búnar að vera saman í viku. Þær hefðu auðvitað viljað tryggja þetta fyrir mánuði síðan en fá annað tækifæri á morgun."

Hægt er að sjá allt viðtalið hér að ofan en þar að ofan ræðir Adda meira um leikinn. Hún greinir svo frá sinni spá fyrir leikinn í lok viðtalsins.