Lloris ætlar að svara gagnrýni inn á vellinum

Enskir fjölmiðlar hafa verið að tala um að Lloris sé veiki hlekkurinn í liði Frakka en Lloris var spurður út í þær pælingar af frönsku pressunni.

„Ég hef ekkert að segja á fréttamannafundi. Ég hef engin skilaboð til fjölmiðla, ég læt verkin tala út á velli. Við þurfum ekki auka hvatningu að utan. Þeir hafa sína sýn og ég ber virðingu fyrir því," sagði Lloris.

Didier Deschamps þjálfari franska liðsins skaut á franska fjölmiðla.

„Þið talið um breska fjölmiðla en þið spurjið stundum erfiðra spurninga líka," sagði Deschamps.