Salah hefur skorað fjögur mörk í fimm leikjum Egyptalands í Afríkukepninni.
Mohamed Salah var á skotskónum í gær er Egyptaland tryggði sér sæti í undanúrslitum í Afríkukeppninni eftir sigur á Fílabeinsströndinni, ríkjandi Afríkumeisturum.
Salah sagði eftir leik í gær Afríkukeppnina vera titilinn sem vantar í safnið.
Salah sagði eftir leik í gær Afríkukeppnina vera titilinn sem vantar í safnið.
„Ég myndi ekki segja að við séum líklegir til að vinna mótið. Hin þrjú liðin í undanúrslitum eru með leikmenn víðs vegar að úr Evrópu, á meðan flestir okkar leikmanna spila í heimadeildinni.“
„Mig langar til að vinna þennan titil meira en nokkurn annan. Ég hef unnið allt nema þessa keppni, en það hjálpar ekki að setja pressu á samherjana. Ég vil bera þá pressu.“
Salah hefur skorað fjögur mörk og lagt upp eitt í fimm leikjum mótsins. Egyptaland mætir Senegal næstkomandi miðvikudag í undanúrslitum. Liðin mættust í úrslitaleik Afríkukeppninnar 2022, þar sem Senegal hafði betur eftir vítaspyrnukeppni.
Athugasemdir
