Hlynur Sævar Jónsson og Mikael Hrafn Helgason eru báðir gengnir til liðs við Víking Ó. á láni frá ÍA.
Hlynur er fæddur árið 1999 en hann spilaði 16 leiki og skoraði 2 mörk fyrir Skagamenn í Pepsi Max-deildinni á síðasta tímabili. Hann skoraði þá eitt mark í tveimur leikjum í Borgunarbikarnum.
Mikael Hrafn er fæddur árið 2001 og á enn eftir að spila fyrir ÍA í deild- og bikar.
Hann spilaði með Kára í 3. deildinni á síðasta tímabili en hann spilaði 19 leiki í deildinni. Þar áður spilaði hann fyrir Skallagrím í 3. og 4. deildinni.
Víkingur Ó. hafnaði í 9. sæti Lengjudeildarinnar á síðasta tímabili með 19 stig.
Athugasemdir