Hún var spurð út í vindinn, það var mikill vindur á annað markið og Ísland leiddi 3-0 eftir að hafa leikið með vindi en tapaði seinni hálfleiknum 0-2 á móti vindi. Hafði hann mikil áhrif?

„Já, hann hafði mjög mikil áhrif, það var erfitt að senda boltann langan fram í seinni hálfleik. Ef maður sendi hann upp í vindinn þá bara tók vindurinn boltann. Eins í hornspyrnum var erfitt að losa boltann í burtu, það hafði mjög mikil áhrif," sagði Agla.

Kom þér á óvart að Írarnir hafi komið af krafti inn í seinni hálfleik og í öðrum takti miðað við fyrri hálfleikinn?

„Nei, alls ekki. Það er auðveldara að spila með vindinum. Þessi mörk sem við fáum á okkur, boltinn að leka inn, vindurinn hafði klárlega áhrif í þeim atriðum.“

Um tvö ár eru síðan síðast voru áhorfendur á leik á Laugardalsvelli.

Þið skorið annað markið eiginlega í miðju Víkingaklappi. Hafði það góð áhrif að fá loksins áhorfendur á völlinn aftur?

„Já, heldur betur. Krafturinn í áhorfendum skilaði sér greinilega í þessu marki," sagði Agla.