Mohamed Salah á landsliðsæfingu með Egyptalandi.
Salah er mikilvægur fyrir Liverpool.
Ramy Abbas Issa, umboðsmaður Mohamed Salah, henti sér á Twitter til að gefa það út að engin ákvörðun hafi verið tekin varðandi mögulega þátttöku leikmannsins á Ólympíuleikunum í Tókýó í sumar.
No decision has been made yet. https://t.co/r6uvOAW7kB
— Ramy Abbas Issa (@RamyCol) February 12, 2020
Egyptaland verður með á Ólympíuleikunum en þar spila leikmenn undir 23 ára aldri en heimilt er að nota þrjá eldri leikmenn.
Fótboltakeppnin á Ólympíuleikunum stendur yfir frá 22. júlí til 8. ágúst og úrslitaleikurinn verður sama dag og keppni í ensku úrvalsdeildinni á að hefjast á næsta tímabili.
Ef Salah tekur þátt í Ólympíuleikunum þá myndi hann missa af undirbúningstímabili Liverpool, líklega leiknum um Samfélagsskjöldinn og mögulega af fyrstu umferð ensku úrvaldeildarinnar.
Hinn 27 ára Salah er mikilvægur leikmaður hjá Liverpool sem er með 22 stiga forystu í ensku úrvalsdeildinni.
Athugasemdir
