Borghildur Sigurðardóttir varaformaður KSÍ gefur ekki kost á sér áfram í stjórn sambandsins. Ársþingið fer fram 24. febrúar og eru sjö í framboði en frestur rann út um helgina.

Sjö hafa boðið sig fram til stjórnar og keppast þar um fjögur sæti.

Tveggja ára kjörtímabili lýkur hjá Sigfúsi Ásgeiri Kárasyni og Pálma Haraldssyni og gefa þeir kost á sér áfram. Ívar Ingimarsson stígur til hliðar eins og hann hafði áður tilkynnt.

Ingi Sigurðsson, fyrrum stjórnarmaður KSÍ, býður sig fram að nýju. Þorkell Máni Pétursson og Sveinn Gíslason eru í framboði eins og fjallað hefur verið um og þá bjóða Pétur Marteinsson og Sigurður Örn Jónsson sig einnig fram.