Það er Goal sem segir frá þessu og þar segir jafnframt að aðrir eldri leikmenn liðsins séu orðnir pirraðir á Zidane.

Marcelo hefur ekki verið í stóru hlutverki á tímabilinu en hann hefði líklega spilað á morgun gegn Granada á morgun - ef hann hefði ekki rifist við Zidane - þar sem Ferland Mendy er meiddur.

Í staðinn verður Marcelo ekki einu sinni í hóp. Hann er sagður pirraður á leikaðferð og liðsvali Zidane á tímabilinu. Fleiri reynslumiklir leikmenn í hópnum eru víst sammála honum.

Ekki er talið líklegt að Zidane stýri Real Madrid á næstu leiktíð en hann hefur verið orðaður við Juventus.

Hinn 19 ára gamli Miguel Gutierrez mun líklega byrja í vinstri bakverði á morgun. Real Madrid er í harðri titilbaráttu og þarf á sigri að halda.