Damir Muminovic.
Adam Árni.
Njarðvíkingar eru stórhuga og er ljóst að markmiðið er að fara upp úr Lengjudeildinni 2026, alveg eins og markmiðið var að fara upp úr deildinni í ár.
Bikarmeistarinn Davíð Smári Lamude var ráðinn þjálfari liðsins í síðustu viku og í gær var reynsluboltinn Eiður Aron Sigurbjörnsson kynntur sem nýr leikmaður félagsins.
Bikarmeistarinn Davíð Smári Lamude var ráðinn þjálfari liðsins í síðustu viku og í gær var reynsluboltinn Eiður Aron Sigurbjörnsson kynntur sem nýr leikmaður félagsins.
Fótbolti.net hefur heyrt þrjá leikmenn orðaða við félagið á síðustu dögum. Samkvæmt heimildum Fótbolta.net hefur möguleikinn á því að fá Damir Muminovic verið kannaður. Damir liggur undir feldi varðandi næsta skref á ferlinum, en ljóst er að hann verður ekki áfram hjá Breiðabliki.
Adam Árni Róbertsson átti frábært tímabil með grönnunum í Grindavík og fékk leyfi í haust til að ræða við önnur félög, en hann er samningsbundinn Grindavík. Hann er fæddur árið 1999 og skoraði 14 mörk í 19 deildarleikjum í sumar. Hann lék sinn fyrsta meistaraflokksleik fyrir Njarðvík árið 2016 og hefur verið orðaður við endurkomu til Njarðvíkur.
Þá heyrðist af því að Rafael Victor, fyrrum framherji liðsins, hefði áhuga á því að spila aftur með liðinu. Hann fór í Þór frá Njarðvík eftir tímabilið 2023.
Áður hafði Pálmi Rafn Arinbjörnsson verið orðaður við heimkomu í Njarðvík en hann hefur lagt hanskana á hilluna.
Rafael Victor skoraði 13 mörk í 20 leikjum með Njarðvík 2023.
Athugasemdir
