Fikayo Tomori búinn að skrifa undir nýjan samning
Mynd: Getty Images
Mynd: Getty Images
Varnarmaðurinn ungi Fikayo Tomori er búinn að skrifa undir nýjan samning við Chelsea sem gildir í fjögur og hálft ár, eða þar til í lok júní 2024.
Tomori verður 22 ára eftir viku og hefur staðið sig vel í haust undir stjórn Frank Lampard. Hann gerði góða hluti að láni hjá Derby á síðustu leiktíð, þar sem hann lék einnig undir stjórn Lampard.
Þetta eru góðar fréttir fyrir stuðningsmenn Chelsea sem eru flestir mjög ánægðir með hversu vel Lampard hefur stimplað sig inn í stjórastarfið. Hann hefur verið að gefa ungum leikmönnum mörg tækifæri og eins og staðan er í dag þá virðist framtíð félagsins vera ansi björt.
Hann er búinn að spila 11 af 16 deildarleikjum Chelsea á tímabilinu og þá spilaði hann fjóra fyrstu leiki liðsins í riðlakeppni Meistaradeildarinnar.
Þetta eru góðar fréttir fyrir stuðningsmenn Chelsea sem eru flestir mjög ánægðir með hversu vel Lampard hefur stimplað sig inn í stjórastarfið. Hann hefur verið að gefa ungum leikmönnum mörg tækifæri og eins og staðan er í dag þá virðist framtíð félagsins vera ansi björt.
Hann er búinn að spila 11 af 16 deildarleikjum Chelsea á tímabilinu og þá spilaði hann fjóra fyrstu leiki liðsins í riðlakeppni Meistaradeildarinnar.
