Xavi afþakkaði starfið
Umboðsmaður Quique Setien er mættur til Barcelona. Talið er að þar fari fram viðræður um að Setien taki við Barcelona af Ernesto Valverde.
Valverde hefur verið valtur í sessi í töluverðan tíma hjá Barcelona og það hjálpaði honum ekki að detta út úr Ofurbikarnum á dögunum þegar Atletico Madrid lagði Barcelona í undanúrslitunum.
Valverde hefur verið valtur í sessi í töluverðan tíma hjá Barcelona og það hjálpaði honum ekki að detta út úr Ofurbikarnum á dögunum þegar Atletico Madrid lagði Barcelona í undanúrslitunum.
Barcelona var búið að ræða við Xavi Hernandez, fyrrverandi leikmann félagsins, um að taka við liðinu en Xavi vildi ekki gera það á miðju tímabili. Þá hafði Ronald Koeman einnig hafnað starfinu.
Quique Setien, sem þjálfaði síðast Real Betis á árunum 2017-2019, er talinn líklegastur til þess að taka við liðinu. Umboðsmaður hans er mættur til Barcelona og gefur það mikla vísbendingu um að viðræður séu í gangi. Á eftir Setien eru Maricio Pochettino og þjálfari varaliðs Barcelona, Francisco Pimienta, taldnir líklegastir til að taka við liðinu.
Barcelona mætir Granada á sunnudaginn kemur í La Liga deildinni.
Athugasemdir
