Son Heung-min, leikmaður Tottenham, var á skotskónum í morgun þegar Suður-Kórea vann 2-1 sigur á Líbanon í undankeppni HM í Asíu.
Son skoraði sigurmark Suður-Kóreu af vítapunktinum um miðbik seinni hálfleiks.
Son er fyrrum liðsfélagi Christian Eriksen, en þeir spiluðu saman hjá Tottenham.
Eriksen fór í hjartastopp í gær þegar Danmörk spilaði við Finnland á Evrópumótinu. Sem betur fer tókst að bjarga lífi hans með fljótum viðbrögðum leikmanna, dómara og sjúkrastarfsmanna.
Son tileinkaði Eriksen mark sitt. Hann hljóp að myndavél á vellinum og sagði: „Chris, vertu sterkur, ég elska þig."
Son er ekki sá eini sem hefur gert þetta, Romelu Lukaku gerði það einnig.
Athugasemdir