Heimir Hallgrímsson og lærisveinar hans í Al Arabi töpuðu 1-0 gegn Al Sailiya í úrvalsdeildinni í Katar í dag.
Mohammed Abu Zrayq skoraði eina mark leiksins í upphafi síðari hálfleiks.
Mohammed Abu Zrayq skoraði eina mark leiksins í upphafi síðari hálfleiks.
Aron Einar Gunnarsson, landsliðsfyrirliði, spilaði allan leikinn með Al Arabi en hann verður í eldlínunni með íslenska landsliðinu gegn Englandi og Belgíu í Þjóðadeildinni í byrjun næsta mánaðar.
Al Arabi er í 6. sæti í úrvalsdeildinni í Katar af tólf liðum með 25 stig en Al Sailiya fór upp fyrir liðið með sigrinum í dag. Ein umferð er eftir í Katar og ljóst er að Al Arabi endar um miðja deild.
Úrvalsdeildin í Katar hófst aftur eftir hlé í júlí en síðan þá hefur Al Arabi einungis náð í eitt stig í fjórum leikjum.
Luis Suarez, framherji Barcelona, hefur verið orðaður við Al Arabi að undanförnu en hann gæti komið til félagsins fyrir næsta tímabil sem hefst á næstu vikum.
Athugasemdir