Mourinho bíður örvæntingarfullur eftir ákvörðun

Mourinho tjáði sig við fjölmiðla í dag og ítrekaði skoðun sína um að vilja ræsa tímabilið aftur sem fyrst.

„Ég vil byrja að æfa og bíð örvæntingarfullur eftir að úrvalsdeildin fái leyfi til að hefja leik að nýju. Ég er mjög stoltur af strákunum, þeir hafa sýnt mikla fagmennsku, dugnað og ástríðu undanfarnar vikur," sagði Mourinho.

„Það hafa allir lagt mikið á sig á einstaklingsæfingum og eru leikmenn fullir tilhlökkunar fyrir að fá að æfa í litlum hópum."

Tottenham er í áttunda sæti deildarinnar sem stendur, sjö stigum frá Chelsea í Meistaradeildarsæti og fjórum stigum frá Manchester United í Evrópudeildarsæti.

Fyrr í dag staðfesti breska ríkisstjórnin endurkomu ensku úrvalsdeildarinnar.