fös 14. maí 2021 07:00
Guðmundur Aðalsteinn Ásgeirsson
Liverpool ræður nýjan þjálfara fyrir kvennalið sitt
Mynd: Getty Images
Liverpool hefur ráðið nýjan þjálfara til að stýra kvennaliði félagsins. Sá heitir Matt Beard og er ekki að fara að þjálfa hjá Liverpool í fyrsta sinn.

Beard, sem er 43 ára, hefur undanfarna mánuði stýrt Bristol City en hann náði ekki að bjarga þeim frá falli úr ensku úrvalsdeildinni.

Hann stýrði Liverpool frá 2012 til 2015 og vann ensku úrvalsdeildina tvisvar með félaginu. Síðan þá hefur leiðin legið niður á við og hafnaði liðið í þriðja sæti næst efstu deildar á þessari leiktíð.

Beard segir að Liverpool eigi stóran stað í hjarta sínu og hann sé spenntur fyrir því að snúa aftur.

Hann fær það verkefni núna að koma kvennaliði Liverpool aftur á þann stað þar sem það var þegar hann stýrði því síðast.


Athugasemdir
banner
banner
banner
banner