Luis Campos eftirsóttur

Campos hjálpaði til við að gera Lille að liði sem er núna ekki langt frá því að vinna frönsku úrvalsdeildina á kostnað Paris Saint-Germain. Lille er með þriggja stiga forystu á toppi deildarinnar þegar tvær umferðir eru eftir.

Portúgalinn yfirgaf Lille í desember á síðasta ári og núna segir sagan að stór félög í Evrópu séu á eftir honum, þar á meðal Juventus og Manchester United.

Hann hefur gert frábærlega sem yfirmaður knattspyrnumála hjá bæði Mónakó og Lille þar sem hann hefur náð að smíða mjög samkeppnishæf lið þrátt fyrir stórar sölur á leikmönnum.

Campos er sagður vera með augastað á ensku úrvalsdeildinni en hann var einnig orðaður við Tottenham þegar Jose Mourinho var stjóri þar.