„Fyrir utan það að ég skyldi fá á mig tvö mörk er ég nokkuð sáttur með að við fengum eitt stig út úr þessum leik," sagði Daði Freyr Arnarsson, markvörður FH, eftir 2-2 jafntefli gegn Stjörnunni í Pepsi Max-deildinni í kvöld.

Lestu um leikinn: FH 2 -  2 Stjarnan

Daði Freyr var að spila sinn fyrsta leik í efstu deild. Hann er uppalinn fyrir vestan og spilaði með Vestra í 2. deild í fyrra. Daði stóð sig vel í markinu í kvöld.

„Ef ég hefði varið vítið þá hefði þetta verið besti fyrsti leikur sögunnar. Ég gæti varla beðið um betri byrjun."

„Ég flutti hingað og samdi við FH í janúar 2016. Ég er á fjórða ári. Ég er búinn að spila undirbúningsleiki, þetta kom loksins í kvöld."

Stjarnan vildi fá vítaspyrnu í uppbótartíma þegar fyrirgjöf Jósefs Kristins endaði í hendinni á Pétri Viðarssyni varnarmanni FH. Ívar Orri lét leikinn hinsvegar halda áfram og dæmdi ekkert.

„Ég sá þetta. Þetta fór í höndina, en höndin er upp við líkamann. Þetta ætti ekki að vera víti. Það er mín skoðun," sagði Daði sem var ósáttur með vítið sem FH fékk á sig í leiknum.

„Við fengum á okkur víti sem var ekki víti. Það var gefins mark. Við erum svekktir þetta allir."

Viðtalið er hér að ofan í heild sinni.

Tweet

Senda a Facebook Hafdu samband Senda frétt Prenta frétt Frétta leit