Tók við Íslandsmeistaraskildinum í október.
Oliver Ekroth, fyrirliði Íslandsmeistara Víkings, hefur verið orðaður við endurkomu til sænska félagsins Degerfors. Oliver, sem er 33 ára miðvörður, gekk í raðir Víkings fyrir tímabilið 2022 og hefur unnið fjóra stóra titla sem leikmaður félagsins.
Hann var í úrvalsliði ársins tímabilið 2023 og aftur 2025.
Hann var í úrvalsliði ársins tímabilið 2023 og aftur 2025.
„Í hreinskilni veit ég ekkert hvaðan þetta kemur. Einhver sendi mér líka skilaboð varðandi þetta á Facebook. Það verða alltaf til sögusagnir og það er gaman. Ég hef fylgst vel með Degerfors síðan ég fór. Félagið er mjög nálægt hjarta mínu," segir Oliver við sænska miðilinn KT-Kuriren.
Fótbolti.net hafði samband við Kára Árnason, yfirmann fótboltamála hjá Víkingi, en hann hefur ekki fengið neitt inn á sitt borð varðandi Oliver.
Varnarjaxlinn er ekki að plana flutninga til Svíþjóðar á þessum tímapunkti.
„Alls ekki. Ég er mjög öruggur þar sem ég er. Það er líka mjög skemmtilegt ár framundan, förum í forkeppni Meistaradeildarinnar. En auðvitað, ef eitthvað gerist, þá gerist það. Á þessum tímapunkti hlakka ég bara til næsta tímabil," segir Oliver.
Svíinn er samningsbundinn Víkingi út næsta ár. Hann var leikmaður Degerfors á árunum 2018-21 og fór þaðan til Víkings.
Athugasemdir
