Hulda Ösp Ágústsdóttir, leikmaður Gróttu, var án vafa besti leikmaður vallarins þegar hún skoraði öll fjögur mörk Gróttu gegn nágrönnunum í KR í Lengjudeildinni í kvöld. Lokatölur 2-4.
Lestu um leikinn: KR 2 - 4 Grótta
„Mér fannst við halda boltanum vel og spila vel þegar við héldum í hann og kláruðum þetta,“ sagði Hulda sem vildi þó ekki gera upp á milli markanna fjögurra sem hún skoraði í kvöld.
„Guð ég veit það ekki, ég var bara á réttum stað og á réttum tíma,“ bætti Hulda við, sem viðurkenndi að henni þætti extra sætt að skora öll þessi mörk gegn nágrönnunum í KR.
Hulda fór ekki í neinn feluleik þegar hún komst af því að hún væri orðin meðal markahæstu leikmanna deildarinnar. Hulda er með skýr markmið og hún lofar fleiri mörkum, þó ekki endilega öðrum fjórum í næsta leik.
„Markmiðið er bara að skora fleiri mörk og gera betur, fleiri mörk í næstu leikjum,“ sagði Hulda Ösp Ágústsdóttir, leikmaður Gróttu, að endingu. Viðtalið við Huldu í heild má sjá í spilaranum hér að ofan.
