Sænska blaðið Aftonbladet segir að þrír þjálfarar séu á blaði hjá Norrköping en félagið lét Rikard Norling taka poka sinn um helgina eftir slakan árangur í deild.

Óskar Hrafn er einn af þessum þremur en hann var einnig orðaður við stöðuna hjá danska félaginu AGF áður en Uwe Rösler tók við.

Arnar Laufdal Arnarsson, fréttamaður Fótbolta.net, spurði Óskar út í þennan orðróm.

„Ég get ekkert verið að tjá mig um orðróm. Það er ekki mitt og er með 100 prósent fókus á verkefnið með Breiðabliki," sagði Óskar Hrafn í kvöld eftir að Breiðablik hafði tryggt sér sæti í 2. umferð í forkeppni Sambandsdeildarinnar.