Emil skoraði þrjú mörk í nítján deildarleikjum í fyrra.
ÍR er búið að staðfesta samkomulag við Emil Nóa Sigurhjartarson um nýjan tveggja ára samning.
Emil Nói er einn af lykilmönnum ÍR í dag en hann hefur leikið fyrir Breiðhyltinga síðustu þrjú ár eftir að hafa alist upp hjá Stjörnunni.
Emil, sem er fæddur 2004, ruddi sér leið inn í byrjunarliðið hjá ÍR á síðustu leiktíð og stóð sig vel í Lengjudeildinni.
ÍR átti gott tímabil í fyrra og var aðeins hársbreidd frá því að komast í umspilskeppnina um sæti í Bestu deildinni.
„Þetta eru mikil gleðitíðindi sem við fögnum. Á sama tíma og við óskum Emil Nóa til hamingju með samninginn óskum við honum sömuleiðis góðs gengis," segir meðal annars í tilkynningu ÍR.
Athugasemdir
