Brasilíska stórstjarnan Neymar verður ekki með Paris Saint-Germain næstu fjórar vikurnar en þetta staðfesti félagið í dag.
Neymar fór meiddur af velli á 12. mínútu í 1-1 jafntefli Brasilíu gegn Nígeríu á dögunum.
Hann virtist hafa tognað á nára og mun ekki spila með PSG næsta mánuðinn.
Neymar hefur spilað 5 leiki með PSG á tímabilinu og skoraði 4 mörk en þetta er líklega síðasta tímabil hans með franska liðinu.
Barcelona var í viðræðum við PSG í sumar um að fá Neymar aftur til Spánar en þær viðræður sigldu í strand. Hann vill ólmur komast frá Frakklandi en Real Madrid og Juventus eru einnig sögð hafa áhuga á honum.
Athugasemdir
