Atletico Madrid tók á móti Osasuna í spænsku úrvalsdeildinni í kvöld. Heimamenn lentu ekki í miklum vandræðum og unnu að lokum nokkuð þægilegan sigur.
Alvaro Morata skoraði fyrsta mark leiksins á 67. mínútu og Saul bætti við öðru marki átta mínútum síðar. Ekki var meira skorað og 2-0 lokatölur á Wanda Metropolitano í Madríd.
Atletico Madrid er í 4. sæti með 29 stig, sex stigum á eftir toppliði Barcelona. Osasuna er í 10. sæti með 23 stig.
Athletic Bilbao fékk Eibar í heimsókn fyrr í kvöld, ekkert mark var skorað þar, markalaust jafntefli því niðurstaðan. Heimamenn eru í 7. sæti með 27 stig en gestirnir í Eibar í 16. sæti með 16 stig.
Atletico Madrid 2 - 0 Osasuna
1-0 Alvaro Morata ('67)
2-0 Saul ('75 )
Athletic Bilbao 0 - 0 Eibar
Athugasemdir