Ole Gunnar Solskjær er búinn að staðfesta að Manchester United er hætt við að fara með leikmannahópinn til Mið-Austurlandanna í vetrarfríi ensku úrvalsdeildarinnar í febrúar.
Ástæðan er af pólitískum toga en bandaríska karlalandsliðið hætti einnig við æfingaferð til Katar á dögunum í kjölfar sprengjuárásar Bandaríkjahers. Sú árás varð háttsettum mönnum bæði frá Írak og Íran að bana.
„Ég ætla að gefa þeim nokkra daga í frí en allir í leikmannahópnum munu halda sig í Evrópu," sagði Solskjær.
„Við erum hættir við ferðalagið okkar til Mið-Austurlandanna af öryggisástæðum. Þar ríkir ástand sem veldur mér meiri áhyggjum heldur en fótbolti mun nokkurn tímann gera."
Athugasemdir