John Stones átti draumatímabil með Manchester City í fyrra en hans síðasti leikur sem hann spilaði fyrir félagið var úrslitaleikur Meistaradeildarinnar, þar sem Chelsea vann 1-0.
Stones gekk í gegnum endurnýjun lífdaga undir stjórn Pep Guardiola á síðasta tímabili þar sem hann og Rúben Dias mynduðu frábært miðvarðapar. Stones gerði nýjan samning við City í ágúst.
Stones gekk í gegnum endurnýjun lífdaga undir stjórn Pep Guardiola á síðasta tímabili þar sem hann og Rúben Dias mynduðu frábært miðvarðapar. Stones gerði nýjan samning við City í ágúst.
En á þessu tímabili er hann aftur kominn á bekkinn hjá City. Síðan hann spilaði síðast fyrir Englandsmeistarana hefur hann leikið níu landsleiki fyrir England, þar á meðal alla sjö leiki liðsins á EM alls staðar.
Eftir EM fékk hann lengra frí.
„John kom seint til okkar og svo átti hann í smá vandræðum með meiðsli," sagði Guardiola i síðasta mánuði. Eftir það fór Stones svo í landsliðsverkefni þar sem hann spilaði tvo heila landsleiki.
Því miður fyrir Stones hefur þetta spilast þannig að Aymeric Laporte er kominn aftur í liðið. Talað var um í sumar að hann gæti farið annað eftir frábæra frammistöðu Stones og Dias. Á hinn veginn þá vann hann sig aftur inn í myndina hjá Guardiola og hefur leikið frábærlega.
Athugasemdir