Engin breyting hjá Wales - Under kemur inn
Annar leikur dagsins á Evrópumótinu fer af stað innan skamms. Þar eiga Tyrkir leik við Walesverja.
Tyrkir eru án stiga eftir tap gegn Ítölum í fyrstu umferð en Wales er með eitt stig eftir jafntefli við Sviss.
Tyrkir gera tvær breytingar á sínu liði þar sem Merih Demiral, miðvörður Juventus sem átti slakan leik gegn Ítölum, dettur úr byrjunarliðinu. Kaan Ayhan, leikmaður Sassuolo, kemur inn í staðinn. Þá fær Cengiz Ünder að byrja í sóknarlínunni í stað Yusuf Yazici.
Wales breytir engu hjá sér og þarf Harry Wilson því að bíða eftir sínum fyrsta byrjunarliðsleik á stórmóti.
Liðin mætast í Bakú, höfuðborg Aserbaídsjan.
Tyrkland: Cakir, Celik, Ayhan, Soyuncu, Meras, Karaman, Calhanoglu, Yokuslu, Tufan, Under, Yilmaz.
Varamenn: Gunok, Bayindir, Demiral, Tokoz, Yazici, Antalyali, Kabak, Kokcu, Kahveci, Akturkoglu, Muldur, Dervisoglu.
Wales: Ward, C Roberts, Mepham, Rodon, B Davies, Allen, Morrell, Ramsey, James, Moore, Bale.
Varamenn: Hennessey, A Davies, Gunter, N Williams, Lockyer, Ampadu, Norrington-Davies, J Williams, Brooks, Levitt, T Roberts, Wilson.
Athugasemdir
