„Ólafur spilaði á sínum yngri árum með FH alla leið upp í meistaraflokk en tók við þjálfun meistaraflokks félagsins árið 2017. Á síðasta tímabili kom Ólafur FH-ingum í bikarúrslit sem og ávann liðinu þáttökurétt í Evrópukeppninni 20/21," segir í tilkynningu frá FH.

„Knattspyrnudeild FH þakkar Ólafi fyrir störf sín hjá félaginu og óskar honum góðs gengis í Danmörku.
Nýr þjálfari verður tilkynntur síðar í dag."

Sterkur orðrómur er um að Logi Ólafsson verði næsti þjálfari FH og Eiður Smári Guðjohnsen verði aðstoðarþjálfari með honum.

Esbjerg féll úr dönsku úrvalsdeildinni á þessu tímabili. Liðið fékk 22 stig, fæst allra. Esbjerg hefur skipt ört um þjálfara undanfarin ár en Ólafi hefur áður verið boðið að taka við liðinu en í það skipti hafnaði hann tilboðinu. Hann verður fjórði þjálfari liðsins á einu ári.

Esbjerg er þriðja danska liðið sem Ólafur verður aðalþjálfari hjá. Hann stýrði Nordsjælland og Randers áður en hann tók við FH af Heimi Guðjónssyni haustið 2018.