Möguleiki er á því að Andy Lonergan spili sinn fyrsta leik í ensku úrvalsdeildinni þegar Liverpool heimsækir Southampton á morgun.
Hinn 35 ára gamli Lonergan yrði þá elsti leikmaðurinn til að þreyta frumraun sína í ensku úrvalsdeildinni á þessari öld.
Hinn 35 ára gamli Lonergan yrði þá elsti leikmaðurinn til að þreyta frumraun sína í ensku úrvalsdeildinni á þessari öld.
Lonergan spilaði með Rochdale í ensku C-deildinni í vor á láni frá Middlesbrough. Samningur hans hjá Boro rann út í sumar og þá reiknaði hann ekki með að eiga möguleika á að spila með Evrópumeisturum Liverpool í ágúst.
Liverpool fékk Lonergan með sér í æfingaferð til Bandaríkjanna í sumar þar sem félagið vantaði markvörð á meðan Alisson var í sumarfríi eftir Copa America.
Alisson meiddist í fyrstu umferð ensku úrvalsdeildarinnar fyrir viku og þá ákvað Liverpool að bjóða Lonergan stuttan samning.
Adrian, sem kom til Liverpool á dögunum, meiddist í fagnaðarlátum eftir leikinn gegn Chelsea í Ofurbikarnum í fyrrakvöld en stuðningsmaður kom inn á og rann á hann.
Lonergan gæti því óvænt fengið sénsinn á að spila sinn fyrsta leik í ensku úrvalsdeildinni á morgun. Lonergan hefur flakkað á milli liða í ensku neðri deildunum allan sinn feril og spilað með liðum eins og Preston, Darlington, Wycombe, Leeds, Bolton, Fulham, Wolves og fleirum.
Eftir 335 leiki í Championship deildinni, 15 leiki í C-deildinni og þrjá í D-deildinni á ferlinum þá gæti fyrsti úrvalsdeildarleikurinn loksins komið á morgun.
35y 302d - Should he debut for Liverpool tomorrow, Andy Lonergan will be the oldest Englishman to make his Premier League debut in the 21st century, aged 35 years and 302 days. Evergreen. pic.twitter.com/lZRTnaR2BT
— OptaJoe (@OptaJoe) August 16, 2019
Athugasemdir