Matthías lék allan leiktímann fyrir Vålerenga sem tapaði leiknum óvænt, 1-0. Eina mark leiksins skoraði Jonathan Lindseth fyrir Sarpsborg undir lok fyrri hálfleiks.

Það hefur lítið gengið hjá Vålerenga upp á síðkastið og vann liðið síðast leik þann 5. júlí síðastliðinn.

Vålerenga er í áttunda sæti deildarinnar með 27 stig, en með sigrinum í kvöld komst Sarpsborg upp frá fallsvæðinu. Sarpsborg er núna í 12. sæti.

Í sænsku úrvalsdeildinni var Daníel Hafsteinsson ónotaður varamaður hjá Helsingborg í 2-0 tapi gegn Djurgården. Helsingborg er í 13. sæti af 16 liðum.