Crystal Palace gekk í kvöld frá kaupum á enska markverðinum Jack Butland en hann kemur frá Stoke City.
Butland er 27 ára gamall og á níu landsleiki á bakinu með enska landsliðinu.
Hann hefur verið á mála hjá Stoke City frá 2013 en hann missti sæti sitt til Adam Federici á síðustu leiktíð eftir röð mistaka.
Mörg félög sýndu honum áhuga í þessum glugga en hann var meðal annars orðaður við Liverpool.
Crystal Palace var þó með hraðar hendur í dag og gekk frá kaupum á honum en Palace borgar 1 milljón pund fyrir hann plús bónusgreiðslur sem eru töluvert hærri samkvæmt Sky Sports.
Butland mun berjast við Vicente Guaita um markvarðarstöðuna hjá Palace sem er í tólfta sæti deildarinnar með sex stig eftir fyrstu fjóra leikina.
🧤 Welcome to Palace, Jack Butland!#CPFC | https://t.co/utMcYSDkhb
— Crystal Palace F.C. (@CPFC) October 16, 2020
Athugasemdir