16.10.20 - 08:49
Magnús Már Einarsson
Framhald Íslandsmótsins kemur líklega í ljós í dag
Úr leik í Pepsi Max-deildinni.
Mynd: Fótbolti.net - Sævar Geir Sigurjónsson
Úr leik í Pepsi Max-deildinni.
Mynd: Fótbolti.net - Sævar Geir Sigurjónsson
Guðni Bergsson, formaður KSÍ, <a href="https://www.ruv.is/frett/2020/10/15/raedst-a-morgun-hvort-islandsmotid-verdi-blasid-af" target="_blank">sagði í samtali við RÚV í gærkvöldi</a> að ákvörðun um framhaldið í fótboltanum verði líklega tekin í dag þegar ný reglugerð frá heilbrigðisráðuneytinu verður gerð opinber. Þá komi það í ljós hvort hreinlega þurfi að blása Íslandsmótið af.
Guðni vildi þó ekki tjá sig um það við RÚV hvort keppni í öllum deildum yrði þá aflýst, yrði það niðurstaðan, eða einungis í neðri deildum.
Keppni á Íslandsmótinu hefur verið stopp síðan 7. október vegna kórónuveiru faraldursins en þau tilmæli voru þá gefin að lið á höfuðborgarsvæðinu myndu ekki vera með skipulagðar æfingar.
Þórólfur Guðnason, sóttvarnarlæknir, sagði á upplýsingafundi í gær að minnisblað sitt til heilbrigðisráðuneytisins myndi ekki breytast mikið frá síðasta minnisblaði. Heilbrigðisráðuneytið fer yfir tillögurnar og birtir nýja reglugerð sína í dag.
Sjá einnig:
Svona endar Íslandsmótið ef keppni verður hætt
Keppni á Íslandsmótinu hefur verið stopp síðan 7. október vegna kórónuveiru faraldursins en þau tilmæli voru þá gefin að lið á höfuðborgarsvæðinu myndu ekki vera með skipulagðar æfingar.
Þórólfur Guðnason, sóttvarnarlæknir, sagði á upplýsingafundi í gær að minnisblað sitt til heilbrigðisráðuneytisins myndi ekki breytast mikið frá síðasta minnisblaði. Heilbrigðisráðuneytið fer yfir tillögurnar og birtir nýja reglugerð sína í dag.
Sjá einnig:
Svona endar Íslandsmótið ef keppni verður hætt
