Patrick Cutrone, sóknarmaður ítalska U21 landsliðsins og Wolves, gaf kost á sér í stutt viðtal eftir 3-0 sigur gegn Íslandi í undankeppni fyrir EM fyrr í kvöld.
Cutrone klúðraði dauðafæri í upphafi síðari hálfleiks en skoraði svo tvennu undir lokin til að innsigla sigur sinna manna.
„Þetta var ekki auðveldur leikur. Við áttum erfitt uppdráttar í byrjun en skiluðum svo inn góðri frammistöðu og skoruðum þrjú mörk," sagði Cutrone að leikslokum.
„Við erum mjög jákvæðir fyrir framhaldinu. Við vitum að við erum sterkir en þurfum samt að passa okkur. Við tökum einn leik í einu því við erum í erfiðum riðli og megum ekki vanmeta andstæðingana."
Athugasemdir