U19 ára landslið karla vann Grikkland 5-2 í undankeppni Evrópumótsins í kvöld en Kristall Máni Ingason, leikmaður FCK, skoraði tvö fyrir Ísland.
Orri Hrafn Kjartansson kom liðinu yfir á 19. mínútu og staðan 1-0 í hálfleik.
Valgeir Valgeirsson bætti við öðru marki á 57. mínútu og fjórum mínútum síðar gerði Kristall Máni þriðja markið. Ísak Bergmann Jóhannesson kom Íslandi í 4-0 á 66. mínútu og Kristall Máni gerði svo fimmta markið sjö mínútum síðar.
Grikkland minnkaði muninn með tveimur mörkum undir lok leiks og lokatölur því 5-2.
Síðasti leikur Íslands er gegn Albaníu á þriðjudag en Belgía er í toppsætinu með 6 stig
Byrjunarlið Íslands: Jökull Andrésson (M), Valgeir Valgeirsson, Atli Barkarson, Teitur Magnússon, Andri Fannar Baldursson, Andri Lucas Guðjohnsen (F), Kristall Máni Ingason, Baldur Hannes Stefánsson, Jón Gísli Eyland Gíslason, Ísak Bergmann Jóhannesson, Orri Hrafn Kjartansson.
Athugasemdir