Áframhald verður á verkefninu "Komdu í fótbolta" í sumar en undanfarin tvö ár hefur Siguróli Kristjánsson, oftast kallaður Moli, farið vítt og breitt um landið, heimsótt fjölmarga staði og hitt öflugt fólk í smærri sveitarfélögum um land allt.
Fram kemur á vefsíðu KSÍ að verkefnið verði með stærri sniðum í sumar og fleiri staðir heimsóttir en undanfarin tvö ár.
Moli mun áfram hafa umsjón með verkefninu og stendur verkefnið til 15. október. Moli mun heimsækja fjölmarga staði á leið sinni um landið, þar sem Panna-völlurinn sívinsæli verður með í för.
Dagskrá námskeiðsins verður birt á vefsíðu KSÍ um leið og hún kemur í ljós.
Hægt er að senda tölvupóst á Mola á [email protected]
Athugasemdir