Joan Laporta, nýr forseti Barcelona, er sannfærður um að Lionel Messi muni skrifa undir nýjan samning hjá félaginu.
Messi, sem er markahæsti leikmaðurinn í sögu Barcelona, verður samningslaus í sumar. Hann vildi fá að fara frá félaginu síðasta sumar og það verður spennandi að sjá hvað gerist á næstu vikum.
Messi hefur spilað allan sinn feril með Barcelona og er allra jafnan talinn einn besti fótboltamaður sögunnar.
„Ég mun gera allt sem hægt er til að halda honum. Hann er ótrúleg manneskja og ég er viss um að hann verði áfram hjá Barcelona," sagði Laporta við Deportes Cuatro.
Messi, sem er 33 ára, hefur verið orðaður við Manchester City og Paris Saint-Germain.
Barcelona spilar í dag við Athletic Bilbao í úrslitum spænska bikarsins.
Athugasemdir
