Borussia Mönchengladbach 0 - 0 Schalke
David Wagner stýrði Schalke í fyrsta sinn í þýska boltanum í dag er liðið heimsótti sterkt lið Borussia Mönchengladbach.
Wagner, sem gerði góða hluti hjá Huddersfield, tók við Schalke í sumar eftir að liðið hafði rétt bjargað sér frá falli í fyrra.
Í dag voru heimamenn í Gladbach betri en gestirnir fengu sín færi. Hvorugu liði tókst að koma knettinum í netið og markalaust jafntefli því niðurstaðan.
Schalke á næst heimaleik gegn Þýskalandsmeisturum Bayern München á meðan Gladbach heimsækir Mainz.
Athugasemdir
