Dagur Dan er að finna sig í hægri bakverðinum hjá Orlando
Tveir Íslendingar komu við sögu í MLS-deildinni í Bandaríkjunum í nótt en einn var ónotaður varamaður.
Dagur Dan Þórhallsson er búinn að negla fast sæti í liði Orlando City en hann lék allan leikinn í hægri bakverði í 4-3 sigri á Columbus Crew.
Orlando er í öðru sæti Austur-deildarinnar með 50 stig, átta stigum frá toppliði Cincinnati.
Nökkvi Þeyr Þórisson og Þorleifur Úlfarsson mættust þá í Vestur-deildinni.
St. Louis og Houston Dynamo gerðu 1-1 jafntefli en Nökkvi lék síðasta hálftímann á meðan Þorleifur sat allan tímann á varamannabekk Houston.
St. Louis er á toppnum með 49 stig en Houston Dynamo í 6. sæti með 40 stig.
Róbert Orri Þorkelsson var ekki í hópnum hjá Montreal sem gerði markalaust jafntefli við Chicago Fire og þá var Svava Rós Guðmundsdóttir ekki í leikmannahópi Gotham, sem vann Washington Spirit, 2-0, í NWSL-deildinni.
Athugasemdir
