Hin norska Ada Hegerberg jafnaði í gær markametið í Meistaradeild Evrópu.
Hegerberg er ein allra besta fótboltakona í heimi - mögulega sú allra besta. Í fyrra voru Ballon d'Or verðlaunin afhent í fyrsta skipti meðal kvenna. Hegerberg, sem leikur með hinu ógnarsterka Lyon-liði í Frakklandi, hlaut verðlaunin.
Hún er aðeins 24 ára og í gær skoraði hún sitt 51. mark í Meistaradeildinni. Hún skoraði tvennu er Lyon vann 4-0 útisigur á danska liðinu Fortuna Hjörring í fyrri leik liðanna í 16-liða úrsltunum.
Hegerberg jafnaði met hinnar 34 ára gömlu Anja Mittag, sem er í dag á mála hjá RB Leipzig í Þýskalandi.
Hegerberg og stöllur hennar í Lyon hafa unnið Meistaradeildina fjögur ár í röð.
Breiðablik var einnig að spila í Meistaradeildinni í gær, en tapaði þá 4-0 fyrir Paris Saint-Germain á Kópavogsvelli.
And Ada Hegerberg is now on 51 UWCL goals, which equals Anja Mittags #UWCL record. We knew it was coming, but still i'm not sure there's words to express quite how ridiculous that is at her age.
— Katja (@applessquabble) October 16, 2019
Back home with a victory and... A shared record! What an honor to be up top with such a legend in the game @mittag31 . Hey team, thanks for this! But now... There's only one way to go right? 🔝@OL @UWCL pic.twitter.com/7ekmMLvCzg
— Ada S Hegerberg (@AdaStolsmo) October 17, 2019
Athugasemdir