Spánn: Líflína fyrir Koeman

Ronald Koeman fékk líflínu frá sínum leikmönnum í Barcelona í kvöld er liðið mætti Valencia á heimavelli sínum, Nou Camp.

Leikið var í spænsku úrvalsdeildinni en Barcelona lenti undir snemma leiks er Jose Gaya skoraði fyrir Valencia á fimmtu mínútu.

Á 13. Mínútu jafnaði Ansu Fati fyrir heimaliðið og undir lok fyrri hálfleiks kom Memphis Depay Barcelona yfir úr vítaspyrnu.

Þriðja markið kom svo á 85. Mínútu er Philippe Coutinho kláraði dæmið fyrir Börsunga sem fögnuðu 3-1 sigri.

Barcelona var að vinna sinn fjórða leik í deildinni og er í sjöunda sæti með 15 stig eftir átta umferðir.