ÍA lagði Grindavík að velli í A-deild Fótbolta.net mótsins í hádeginu og er komið með fjögur stig eftir tvær umferðir.

Staðan var markalaus eftir fyrri hálfleik en Brynjar Snær Pálsson kom heimamönnum yfir í upphafi síðari hálfleiks í Akraneshöllinni.

Tíu mínútum síðar tvöfaldaði Viktor Jónsson forystuna með sturluðu marki að hætti Zlatan Ibrahimovic, samkvæmt lýsingu í Twitter færslu ÍA.

Meira var ekki skorað og lokatölur 2-0. ÍA er jafnt Stjörnunni á stigum og keppir við Gróttu í lokaumferðinni.

Grindavík er stigalaust á botninum eftir 4-0 tap gegn Gróttu í fyrstu umferð.